9 juni 17.00 Et is en blift et prachtigste weer van de wereld! We hebben vandaege een fietstocht van krap 47 kilemeter maekt. Over Middelie, Kwaodiek, Oosthuzen en Schardam naor Scharwoolde. Daor hewwe eten in resteraant Ootje Konkel. Ik hebbe een twaelfuurtien had: een kop overheerlike aspergesoep, een plakkien bolle mit een kroket en een plakkien bolle mit keze, schinke en ei. Vervolgens biwwe bij de Iesselmeerdiek langes weerommefietst naor Edam over Etersheim en Harder. Een prachtig laand mit zo now en dan lanen vol zoerstaelen en botterbloemen en kwaekende kikkers in de sloden. We zaggen een ente mit wel tien jonkies! Ik hope vurig dat ze allemaole groot wodden zullen en dat et gewoepste enten wodden zullen! Hieronder een foto van vandaege. Dit is et kleine karkien van Schardam.


Naor de volgende bladziede - Naor de veurige bladziede