6 juni Ė 17.20 Ė Eregister, op 4 juni, ston dír een groot interview van Abe de Vries mit miíj in et Friesch Dagblad. Misschien dat me nog zoeín kraante toestuurd wodt, misschien ok niet... As dír iene is die et Friesch Dagblad lest en dat artikel missen kan... Ik zol et graeg hebben willen. Ik heur et graeg van jim. Mar... ik bin dír ankem weke niet. Jim kun mailen of bellen en een berichien op íe voicemail zetten, mar dan neem ik een weke laeter eerst kontakt mit jim op. Ik gao dír even veur een kleine en neffens miíj wel verdiende vekaansie tussenuut!
  Gister heík mien bestelde boeken biíj boekhaandel Zwikstra in Wolvege weghaeld. Ik wodde daor van alle kaanten fielseteerd! Ik hebbe me De verre horizon van Santa Montefiore en De weg dreumen van Tonko Ufkes anschaft. Ik kreeg et boekewekegeschink Wat wij zagen van Hanna Bervoets dír kedo biíj.
  Vandemorgen heík weer een kollum veur Comprix Contact verstuurd over mien legere schoeletied en vandemiddag heík Haarm en Jacob op vesite had. Ze nammen een kedogien veur me mit. Dat is aorig, mar et hoeft allemaole niet, heur... We hebben abrikozetaart had en een protte praot.

5 juni Ė 18.00 - Vandemorgen kwam Henk Jaspers biíj me, de veurzitter van oons plaetselik belang De Eendracht, mit een schitterende grote bak mit bloemen veur butendeure. Vanwege de Zulveren Anjer... Bert kwam ok langes in zien Range Rover. Uut naeme van him en de femilie kreeík ok een grote bak mit plaanten veur butendeure! En dan de mooie bossen bloemen van Jan Berend en Elly en Jan en Durkje... En dír kommen almar mailties en tillefoonties... Et gaot mar deur... Gisteraovend heík nog mit Arno Brok, de Kommesaores van de Keuning, praot. Wat spietig dat die dír gister ok niet biíj wezen kon... Et dot blieken dat hiel arg vule meensken gister mitkeken hebben en tal van meensken hebben et laeter, gister en vandaege, nog bekeken. Ik hebbe et gisteraovend tussen elf en twaelf ure nog es rustig bekeken. Hiel biezunder. Ik kreeg ok tal van reakties mit de opmarking daík zokke mooie kleren an hadde en... daík et haor zo netties hadde! Hulde an Bertha!! En dír kwammen vraogen waoromme aík de brille soms niet op hadde... Now, de Burgerzael is een hiele grote zael! En ik mos naor et scharm mit die filmpies kieken an de overkaant van die grote zael en daor hullen de beide vrouwluden de verhaelen over de laureaten ok. Ik kon dat dus beter zonder as mit brille volgen. Vandaor. Ik zat dír biíjtieden dus zo biíj...


Naor de volgende bladziede - Naor de veurige bladziede