6 april 17.00 De soap mit et katteloekien... Eregister was et inienend zoveer dat poes ok van butenof zonder hulpe deur et katteloekien duste. Wel mit een protte ondersteuning en anmoedigings van mij in huus en gerammel mit brokkies. En doe floepte hij dr die dag twie keer deurhenne. Vervolgens sleepte poes in de naacht van zundag op maendag zien halsbaand mit de penning vot. Die penning korrespondeerde mit de chip in et loekien om dr deur te kunnen. Wat now? Ik was van doel en bel vandaege de timmerman om et spul zo in te stellen dat de chip reageerde op e chip die poes onder zien vel het. Mar... Jan de webmaster het op internet de gebruuksanwiezing bestudeerd en wus al rap hoe et mos. Tillefonisch het hij me doe instrueerd. Ik mos een bescharmingplaetien veur een riegel knoppies weghaelen. Dat kostte me een protte inspanning. Hoe mos dat dan toch? Mar.. et lokte op et laeste. En doe mos ik et meerst rechter knoppien indrokken en vervolgens de poes deur et loekien douwen. En ja, doe maekte et spul kontakt mit mekeer en kon poes vandemorgen onder een protte anmoedigings en brokkiesgerammel weer deur et loekien flutten. Mien hemel nog an toe...
  Franciszek Krzywosz uut Kamienna Nowa in Polen stuurde me een tal mooie hooltsnedes toe van grafikus Vasyl Fedoronič Leonenko uut de Oekrane. Hij beeldde in 1990 en 1996 twie Poolse keunings uut. Links: Kazimierz III Wielki (1310-1370). Rechts: Zygmunt II August I (1520 1572).


Naor de volgende bladziede - Naor de veurige bladziede