22 meie 17.00 Vandemiddag hek op e fiets naor de biebeltheek in Wolvege west. Daor hebben ze de deuren sund disse weke weer los. Tien weken leden wak daor veur et laeste en doe gong alles op slot. Ik hadde nog vuuf boeken liggen, die hek weerommebrocht, en die boeken bin drekt in quarantaine gaon. Now ja, beter zij as ikke. Mit haansken an hek twie nije boeken uutzocht. Daornao hek de haansken uutstruupt en de hanen insmeerd mit desinfekterende gel. In zoen wereld leven we. Ik bin bij de Lende langes weerommefietst naor huus toe. Hieronder twie fotos van vandemiddag. Links: de meule van Gooijer onder Wolvege bij de Lende. Dr staot een sturk op e boverste meulewieke. Rechts: de Noordwooldiger Vaort mit bluuiende varkenties bij Ieken Verlaot.


Naor de volgende bladziede - Naor de veurige bladziede