25 meert Ė 17.00 Ė Dír kwammen gister een peer mooie en lieve reakties op mien kollum Hamsteren in de Liwwadder Kraante van gister. In disse ienzeme tied bin dat soort reakties extra mooi.
  Ik hebbe de laeste tied de boeken van Hjorth Rosenfeldt (Michael Hjorth en Hans Rosenfeldt) nogal anprezen in dit dagboek. Dat is niet zonder gevolgen bleven. Eerst kreeík de tiedinge van lezers uut Suntjehannesge en Almelo dat ze de boeken ok lezen gaon binnen en dír ok verslingerd an raekt binnen. Gister kwam dír een mail uut Drachten. Nog meer enthousiasme veur de boeken van Hjorth Rosenfeldt! Op disse meniere verdienen beide manluden extra geld deur mien toedaon. Zol daor ok wat tegenover staon kunnen? Dat ik heur volgende boek vergees kriege of zoÖ Mar ja, beide mannen in Zweden zullen dit dagboek wel niet lezenÖ
  Ik hadde vandaege wat spul wat op íe post mos. En now heík de brievebusse hier mar een honderdvuuftig meter van mien huus of staon. Mar ik hebbe ze even in de auto naor de brievebusse in Berkoop brocht. Op íe fiets is me nog te koold. Dír staot de laeste daegen een koolde wiend. Op disse meniere bin ík dír toch even uut. Riede ik een aentien omme en zie dat de wereld dír krek zo biíjligt as aanders. De oolde karke van Berkoop trekt him nargens wat van an. Hiíj het in de laeste ieuwen al zovule zien en mitmaekt. Oorlog, vechteriíje, begraffenissen mit verdriet en ellendeÖ Van dit virus wodt hiíj niet aanders. Et is veur him niet meer as een reenfeltien in de tied. Krek as de Lende, die stroomt wieder zoas altied. Hieronder twie fotoís van vandemorgen. Links: de mooie, oolde karke van Berkoop. Rechts: de Lende biíj Bekhof. We kieken hier et west in.


Naor de volgende bladziede - Naor de veurige bladziede