25 november 17.00 Vandemorgen hek ok mar es weer naor gruunteman Theo op e mark in Wolvege west en ik hebbe een besteld boek bij de biebeltheek weghaeld. Butendat hek bij boekhaandel Zwikstra een mooi boek kocht. Krek as gister bij Rinsma op e Gediek hek mezels weer lekker verwend. Aanders is dr ok hielemaole niks an disse aekelike rottied. Ik hebbe Mathildas geheim van Corina Bomann kocht. Et is et vervolg op Agnetas erfenis en et twiede diel van de serie De vrouwen van de Leeuwenhof. Prachtig! Vandemiddag hek eerst een ontbijtkoeke mit rezienen en walneuten bakt en doe hek op et karkhof, bij et graf van mien moeder, de vioelties plaant die k vier weken leden al kocht hebbe. Mar doe kwam korona
  Hieronder een mooie anweenst veur mien verzaemeling grafiek/poezen. Dit is een hooltsnede van de Duutse grafikus Willi Richter. As de voegelties jonkies hebben is et uutkieken veur de katten!


Naor de veurige bladziede