16 feberwaori Ė 17.00 Ė Et is vandaege 111 jaor leden dat mien moeder geboren wodde. Vandaege zol et heur verjaordag west hebben. Ik hebbe gister in de naomiddag al een keersien opsteuken op et karkhof. Vandaege is ít gien weer! Dit soort weer in de winter zal oonze toekomst wel wezen...
  Ik hadde nog nooit van ingenieur Johan van Veen heurd. Ik wus niet dat die Grunninger de vader van et Deltaplan was. Twintig jaor laank veurspelde hiíj de waetersnoodramp, mar gieniene wol naor him luusteren. Zien rappotten wodden netties in een kaaste zet en dír wodde niks mit daon. En doe wodde et 1953 en gebeurde wat hiíj veurspeld hadde. Dír moet eerst een ramp gebeuren veurdat de meensken wakker wodden. Dit staot allegeer in et gratis te verkriegen boekien Het water komt van Rutger Bregman. Dit zol iederiene lezen moeten. Veurdat et weer zo gaot... De meensken beginnen now wel wakker te wodden, mar is et al niet te laete? Op íe Zuudpool is et twintig graoden boven nul! Een niíje ramp komt dír op disse meniere an. En maek jim mar gien illusies. De kiender die now geboren wodden, hebben laeter misschien gien laand meer. Dan struupt Nederlaand dír veur et grootste pat onder. Ik hebbe et kaortien in dat boekien bekeken. As et echt misgaot verdwienen de Stellingwarven ok onder waeter. De Haovelterbarg blift krek boven, de Drentse Hoonsrogge, de Veluwe, De Utrechtse Heuvelrogge, Twente, de Aachterhoek, een stok Braobaant en Limburg. De Veluwe is dan een eilaand... Awwe alles op alles zetten is dír lichtkaans nog wat an te doen. As et echt moet bin meensken tot grote en grootse dingen in staot. Mar dat zal bloed, zwiet en traonen kosten.


Naor de veurige bladziede