9 feberwaori Ė 17.00 Ė Ik hebbe gisteraovend een prachtige aovend had in Niebert. Et gong allemaole prima! Dat was een gelok, want now het Peter temeensen een mooi optreden van me mitmaekt! Krek as in Doezum, twie daegen eerder, was dír gisteraovend ok een lotteriíje. In Doezum heík niks wunnen, mar in Niebert wel: twie poedegies mit paoseigies en een grote keerze!
  Ingmar het heufdstok 14 van De rooie griffioen naokeken en ik hebbe zien opmarkings vandemiddag verwarkt. Hiíj het me weten laoten dat hiíj et een goed en spannend verhael vint! Daor bin ík slimme bliede mit! Ik hebbe him heufdstok 15 toestuurd. We vrotten zo tegere mooi deur.

8 feberwaori Ė 17.00 Ė Gister kreeík een hiel aorig mailtien angaonde mien kollum Parredies van deensdag in de Liwwadder Kraante van een man die ík al es troffen hadde op íe hobbymark in Beetsterzwaog. Ik schreef in die kollum daík nao al die jaoren nog geregeld over mien moeder drome en dan mit heur in oons oolde huus bin. De man mailde me dat hiíj nao al die jaoren percies dezelde dromen het over zien moeder en heur oolde huus. Dat is toch mooi!
  Vandemorgen heík in Sneek de verjaordag van kammeraod Jelle mitvierd. Ik hebbe dír tussen de middag ok wat eten had: lekkere bolties. Dat was makkelik!
  Vanaovend maík vertellen in de kantine van De Wieken in Niebert veur de vriíjwilligers van et ambachtelike en streekmuseum Het Steenhuis. Et is de bedoeling dat Peter Gerrits, de veurzitter van Stichting Nobilis, ok komt te luusteren. Dat wol hiíj graeg een keer en Niebert leit niet al te veer van zien woonplak Roden. Dat now ja, ik hope mar dat et vanaovend wat wil. Et is altied spannend as iene speciaol komt om naor mien verhaelen te luusteren. Ik kan niet meer as mien best doen.

Naor de volgende bladziede - Naor de veurige bladziede