10 jannewaori Ė 17.00 Ė Wiels Anke et huus schonemaekt het, bin ik even naor de Schrieversronte in Berkoop west mit wat boekeboel. Vandemiddag heík zels de kaaste in de biíjkeuken schonemaekt en opredded. Beneden bin ík now alles biíjlanges west. Now boven nog.
  Fettje het een belronde hullen biíj boekhaandels langes. Tal van boekhaandels in Frieslaand willen graeg nog wat exemplaoren in de winkel hebben van mien laeste roman Vroeger is veurgoed veurbiíj daor een twiede drok van komt. Dat ik zal ankem weke deensdag mit boeken op pad.
  Een schoffien leden heík de Friese vertaeling van et boekewekegeschink van vleden jaor lezen. Saít it l‚n derhinne leit van Griet Op de Beeck. De Friese vertaeling is van Jetske Bilker. De receensies weren indertied niet al te best, staot me zo biíj. Ik hebbe et wel mit genoegen lezen. Mar ají me now vraogen waor et ok al weer over gong... Ik hebbe dír gien flauw idee van. Dír is dus niks van hangen bleven.

9 jannewaori Ė 17.00 Ė Uut een naolaotenschop bin een hiel fluttien boeken van miíj veur ít locht kommen. De meersten zien dír as niíj uut. As dír meensken binnen die pattie boeken nog graeg hebben willen... Jim kun ze veur een slieterspriesien van me kopen. Et gaot om de volgende boeken:

Wilde gaanzen, verhaelen en gedichten, 1974, 2,00 euro.
As de wilde roze bluuit, gedichten, 1979, 2 euro.
Een vlinder van zulver, roman, 1981, 2,50 euro.
Naachs goelen de honnen, roman, 1984, 2,50 euro.
De toren van De Lichtmis, gedichten, 1988, 2 euro.
Stellingwarver Stiekelstokkies 1, radiokollums, 1991, 2,50 euro.
De boot naor ValhŲll, verhaelen, 1992, 2,00 euro.
Stellingwarver Stiekelstokkies 2, radiokollums, 1993, 2,50 euro.
Stellingwarver Stiekelstokkies 3, radiokollums, 1995, 2,50 euro.
Een meenske is gien eerpel, verhaelen, 1997, 2,50 euro.
Verrassend Stellingwarfs, vertaelings, 1998, 2,50 euro.
Toegift, roman, 1999, 2,50 euro.
Wonder boven wonder, volksverhaelen, 2002, 2,50 euro.
De wereld is gek, verhaelen, 2004, 2,50 euro.
Longerlaand, gedichten, fotoís, beelden, 2007, 4,00 euro.

Griep jim kaans! Wie wat hebben wil, moet me maar even een mailtien sturen: qjohan@johan-veenstra.nl Hieronder: Wonder boven wonder is ien van de boeken die te bezetten binnen.


Naor de volgende bladziede - Naor de veurige bladziede