20 meie 17.00 Ik hebbe een kollum schreven over de Chinezen die overal spionnen hebben en van alles bij mekeer stelen. Aanst ok in de Stellingwarven, doe daor mar es daenken omme!
  Vandemiddag hek nog even in de kotte broek op e fiets naor Wolvege west om bosschoppen te doen. Et kon now nog, et was nog heerlik weer, mar de kommende daegen wodt et frisser. Dat is jammer, want de kommende twie daegen zak dr op uut... En ik bin et hiele kommende weekaende ok op e vlieg. Ik gao now eerst naor Fokje te eten!
  Tiedens mien fietstocht van gister hek onderstaonde fotos maekt an de Scheene. Een huus mit daor schieve aachter een sturkenust. Daor hek vanzels ok een foto van maekt. Dr bin in ieder geval vier jonge sturkies te zien! Mooi! Mar ik moet dr toch niet an daenken dat je deur ien van je oolden een kikkertien in de bek drokt wodt... Ik bin in ieder geval bliede dak gien sturk bin!


Naor de veurige bladziede