21 november 20.30 Ik bin vandemiddag om goed kwat over twieje in Wolvege in de trein stapt en naor Grunningen reden. Daor was om half vufe een bijienkomst in de smoeke kapel van de Martinikarke. De zesde dichtbundel van Tonko Ufkes wodde daor prissenteerd: Boeten, nog niet binnen. In de bundel staon dattig gedichten van Tonko en dattig fotos van Hans Brooymans. Netuurlik hek me de bundel anschaft. Ik zat naost Jan Harbers, die in de redaktie van et Drents letterkundig tiedschrift Roet zit. We hebben gezellig praot en et had over de toekomst van Drents en Stellingwarfs. As die dr wel is...
  Hieronder nog een foto van de Kloosterkarke in Kottehemmen daor ak tegere mit Grytsje Kingma vleden zundagmiddag optreden hebbe. Ik hebbe disse foto maekt veurdawwe oonze keunsten daor vertoond hebben. Wat is et een mooi, oold karkien en wat ligt et daor mooi! Et was ok nog prachtig weer, dat de haastkleuren weren op n mooist. Ik miende dat dr zoen 70 meensken west weren, mar gister heurde k van Grytsje dat dr mit mekeer 84 meensken west hadden. Grytsje en ik meugen ankem jaor op 18 april een pergramme verzorgen in de Schierstienze in Veenwoolden!


Naor de veurige bladziede