11 oktober Ė 17.30 Ė Ik hebbe vandemorgen de kotte broek en de zoemerkleren mar weer uut de kaaste haeld en antrokken en bin uut fietsen gaon. Wat een weer! Ik bin biíj de Lende langes naor Ooldemark fietst. Een pat van et fietspad tussen de Sas en de Driewegsluus is now ok klaor en daor kují ok over fietsen. Wat is et opknapt! Op et terras van Hof van Hollaand in Ooldemark heík lekker eten: een koppien tomatesop, een brotien mit een bakt ei en een brotien mit een kroket. En doe over Blesdieke, De Blesse en Peperge weer naor de Lende toe. Dat hiele aende deur Blesdieke heík een schoffien leden nog mit de kroje besuteld! Een beste tippe van zeuven kilemeter. Al mit al heík vandaege 41 kilemeter fietst. Heerlik! Onder et fietsen krieík altied alderhaande idenen. Vandaege et idee om een kollum te schrieven over die dag van gister in Zwolle. Niet iederiene zal die kollum lieke aorig vienen, mar kollumnisten bin dír niet om aorig vunnen te wodden, mar om te schrieven wat ze vienen. En meensken maeken et dír biíjtieden naor om ofstraft te wodden. Op et terras in Ooldemark heík De Tillegraaf lezen. Now zaík nooit een abonnement op die kraante nemen, mar ik las wel een mooie kollum over et interview dat Jeroen Pauw hadde mit Rob Jetten, et niíje boegbeeld van D66. Ventien Jetten wodde een veurprogrammeerde etelagapoppe nuumd. Zoks vien ik mooi! En... ik kon me daor ok wel wat biíj veurstellen. Een gladde praoter die in wezen niks zegt. Ik zal now nog een stokmennig potties peresjem maeken! Hieronder nog twie fotoís van vandaege. Links: zo mooi is et fietspad biíj de Lende langes wodden! Rechts: een zwan in de Lende.


Naor de volgende bladziede - Naor de veurige bladziede