9 augustus 19.00 Doe k een peer weken leden in dit dagboek schreef over et wegraeken van poes Boris kwammen dr een hieleboel reakties. Dat is now ok weer zo naodat deensdag de kollum over Boris in de Liwwadder Kraante ston. Et dot blieken dat die kollum nogal wat meensken ontroerd het. Dr kwammen al verschillende mailties overal weg en ik wodde al meerdere keren in Berkoop op e Eupen Stal kondeleerd mit et wegraeken van Boris. Mien kollums won dus bliekber een protte lezen en dat is dan toch weer mooi om te heuren en te weten.
  Vandemiddag kwam dr weer hiel weinig volk naor de Eupen Stal. Iederiene veurzag bliekber mal weer. En dat kwam om drie ure. Een langdurige tropische regenbujje. Et waeter gutste over de geuten henne. Ik hope mar dat dr morgen weer wel wat volk komt...
  Roelien en Twan holen op et ogenblik vekaansie in Itali. Ze stuurden een kaorte vanuut Citt della Pieve in Umbri..


Naor de volgende bladziede - Naor de veurige bladziede