11 juli 17.00 Vandaege bin k mit de trein naor Assen west. In et Drents Museum hek de prachtige tentoonstelling Iran Bakermat van de beschaving bekeken. Et is werachies krek as loop ie in dat laand omme, zo mooi is de tentoonstelling inricht. En wat is dr een mooi spul te bekieken! Keramiek, goold, zulver, broons, albast... Ie kieken je dr de ogen uut. In de museumwinkel zee inienend iene Dag, meneer Johan, tegen me. Et was Jan van Koolwijk, ien van de bestuursleden van de Nederlaanse verieninge veur exlibris en aander (klein)grafiek. Hij zit mit de vrouw een peer daegen in een hotellegien in Grunningen. Wat aorig om mekeer even te zien. In et museumresteraant hek nog wat eten en doe bin k in Assen weer op e trein stapt. Een mooie dag!


Naor de volgende bladziede - Naor de veurige bladziede