11 juni Ė 9.00 Ė Aanst wodt Jelle hier deur Gerda ofleverd en dan drinken we mit ín drienend nog een bakkien en we kriegen daor een rose gangmaeker biíj. En dan gaot Gerda weer vot... Jelle en ik redden de boel hier dan nog even op en dan gaoíwe dír vandeur. Onderweg naor Denekaamp in et wondermooie Twente. Daor hewwe een huus huurd. Ik neme de laptop mit. As dír daor wifi is en awwe daor mit overweg kunnen, komt dír elke dag een dagboekstokkien. Mar et is lange niet zeker dat dír wifi is en et is al hielemaole niet zeker dawwe daor goed mit overweg kunnen. We bin beidend klongels wat de techniek anbelangt. We snappen en kun niks. As ít niks wodt, lezen jim dat wel. Wodt et wel wat, dan krigt dit dagboekstokkien in de loop van de middag nog een vervolg. We zullen et zien...

Hier is dus wifi en... we bin de techniek de baos wodden. We bin vandemorgen om even veur elf ure ofreisd. Eerst biwwe naor Erve Knopert in Stokkum biíj Markelo reden om daor een foksiatuun te bekieken. MarÖ de foksiaís bluuiden nog niet volop. Ze weren dír wel an ít kosseplokken. We bin doe naor Ootmarsum gaon. Daor hewwe eerst wat eten in brasserie Rien Schulten. We hebben vervolgens et museum van de schilder Ton Schulten bekeken en de film over zien leven en wark. Ik was dír in meert nog west, mar Jelle hadde dit allegeer nog nooit zien. Et is echt prachtig! Doe hewwe bosschoppen daon biíj de Emtť in Denekaamp en we bin naor oons huus reden op et park Bavels Dennen in de omgeving, vuuf kilemeter buten Denekaamp. Wiíj hebben huus nommer 74. We vermaeken oons hier grif wel een dag of wat. Dír bin drie slaopkaemers in et huus, dat awwe spul kriegen kuwwe elk een vertrek nemen. Hieronder twie fotoís van vandaege. Links: et mooie Twente in de buurt van Denekaamp. Rechts: hier wonen we! Et is hier trouwens 26 graoden!


Naor de volgende bladziede - Naor de veurige bladziede