15 meie Ė 19.00 Ė Anke het vandaege de boel in huus opredded en Arjen het de tuun daon en alle stienen en tegels mit de hogedrokspuite schonespuit. En ik... was vot! Ik was mit een goeie 90 oold-kollegaís et waeter op. We hadden vandaege et jaorlikse bootreisien van de post-aktieven van de belastingdienst! We hadden dír prachtig weer biíj! Ik bin om kwat over achte van huus gaon. In Wolvege heík Jan en Durkje anhaeld en doe biwwe naor Eernewoolde reden. Daor biwwe om half tiene an boord gaon van de Marprinses. Die rondveertboot ligt niet meer biíj hotel Princenhof, mar aachter et SkŻtsjemuseum.We bin van Eernewoolde naor Liwwadden veerd. Een veur miíj biíjtieden wel hiel bekende route! An boord hewwe eerst drinken mit oranjegebak had en laeter een koppien tomatesop en twie bolties. De boot het biíj de Harmonie ofmeerd en doe wodde de groep verpat over drie stadsgidsen. Wiíj bin mit Zenno (of zok-zo-wat) op pad west. Een student bedriefsekenomie die dit dír as biíjbaentien biíj dot. Hiíj leut oons de highlights van Liwwadden zien en vertelde dír over. Highlights... Zo hiet zoks in et jubeljaor LF2018. De jonge vertelde goed en mooi over de Ooldehove, Anne Vondeling, stienen mit gedichten, Maria Louise van Hessen-Kassel, et Princessehof, Mata Hari... Vanof de Harmonie biwwe mit twie bussen naor de FroskepŰlle reden en daor biwwe weer an boord gaon veur de weerommereize naor Eernewoolde. Ze hadden uutdocht dat ik veur et waarme buffet de kollum Horeca uut de Liwwadder Kraante van een weke of wat leden veurlezen mos. Et zwiet brak me dír van uut, mar ik hebbe dat vanzels wel daon. Et was een heerlik buffet en doe nog een toetien. Et kon niet op! En dan mit dit weer! Et was een prachtige dag! Nao de veertocht heík Jan en Durkje weer naor Wolvege brocht en now bin ík zels ok weer thuus. Hieronder twie fotoís. Links: Liwwadden vanof et waeter. Rechts: oonze stadsgids Zenno.


Naor de volgende bladziede - Naor de veurige bladziede