14 feberwaori Ė 17.00 Ė Onderwegens naor huus toe het Dick hier vandemiddag even an west om biíj te praoten. Ik hebbe him een bakkien drinken en zelsmaekt appelgebak veurzet. Doe hiíj dat op hadde kon hiíj de reize naor huus wel weer an!
  Gisteraovend heík een slim genoeglike aovend had biíj de kristelike plattelaansvrouwluden in Berlikum. We begonnen de aovend mit et zingen van gezang 434: Lof zij de Heer, de almachige Koning der ere. En daornao wodde et een geweldige aovend. Wat konnen die vrouwluden lachen! Ziíj hebben een mooie aovend had, mar ikke ok! Ik was in 1993 al es eerder biíj heur west te vertellen. Dat is al 25 jaor leden! Ik hebbe beloofd daík over 25 jaor weer kommen zal te vertellen. Dan bin ík 97 jaor. Och, now ja, dat moet lokken!
  Ik stappe now votdaolik weer in de auto en dan zaík hielemaole naor de kristelike vrouwludegroep in et Kultureel Centrum in Vriezevene. Dat is een kleine honderd kilemeter rieden. Ik bin drekt dus nog niet weer thuus. Dat wodt vermoedelik wel nao middernaacht. Mar dat maekt niet uut. Ik hope op weer een mooie aovend en zal dír al weer mien uterste best veur doen!
  Nog meer goold op íe Olympische Winterspeulen! Jorin ter Mors jachtte goold biíj mekaander op íe 1.000 meter. En ik hebbe et zien!


Naor de volgende bladziede - Naor de veurige bladziede