13 jannewaori Ė 17.30 Ė Eindelik haík vandaege weer es een lekkere schriefdag. Want ja, ik zal et jim mar bekennen: ik bin vleden jaor op 16 september mit een niíje roman begonnen. Ik bin van doel om daor twie winters veur uut te trekken. Ik vertelle dír binnenkot wel es wat meer over.
  Hieronder een mooie anweenst veur mien verzaemeling grafiek/mythologie. Dit is een ets van de Nederlaanse grafikus Michael Jepkes. Et is zien weergaove van et mooie mythologische verhael over Leda en de zwan.


12 jannewaori Ė 20.30 Ė Vandemiddag om ien ure waík in Noordwoolde biíj Fettje. Die is daor biíj me in de auto stapt en doe biwwe tegere naor et bronnebad Fontana in Niíjeschaans reden. Daor hebben we eerst wat drinken en een gebakkien had en doe hewwe oons ommestruupt en biwwe et bad mit zoolten en mineraalriek waeter van meer as dattig graoden ingaon. Heerlik! Ie konnen de overkaant van et waeter in et bad kwaolik zien, zo mistig was et daor en zovule stoem kwam dír van et waeter. We hebben lekker een peer uren wat ommeploempst en oons drieven laoten. We hebben oefenings mitdaon mit een instruktrice en ik zat mit vier vrouwluden in een bubbelbad! Wat knapt een meens daor toch van op. Ik wol dawwe zoks dichter biíj huus ok hadden. Ik vule me now weer achttien! En Fettje ok! Nao et badderen hewwe lekker wat eten in et resteraant van Fontana.

Naor de volgende bladziede - Naor de veurige bladziede