16 juli Ė 17.00 Ė Vleden weke is mien niíje roman van de drokker kommen. Et blift biezunder om een boek in de hanen te hebben dají zels schreven hebben. Ik hebbe Vroeger is veurgoed veurbiíj veur mien doen vlot schreven. In de winter van 2016 op 2017. De meensken uut et boek bin me al schrievende hiel arg eigen wodden. Et is hiele goeie kunde van me wodden. Et is een fiktief verhael, mar toch... Heufdpersoon Arjen Hogeling is vanzels toch een ofsplissing van mezels. Hoe kan een meens een betien deurleven nao alles wat him in et leven overkommen is en/of nog overkomt. Dat is in wezen waor et in et boek ommegaot. Daor zit Arjen mit en ikke eins ok wel. Arjen is me dus echt hiel arg eigen wodden. Ik hebbe al een protte bestellings van et boek op íe fiets rondbrocht en vandaege heík een fluttien bestellings mit de post mitdaon. Op íe fiets naor Zevenaar, Riessen, Goes, Haddegeriep en Balk is een betien te veer. Ik hebbe vandaege ok boeken naor de beide Stellingwarver boekwinkels brocht: Bruna in Oosterwoolde en Zwikstra in Wolvege. Daor is et boek now dus al te koop veur mar 14,50 euro. Daís zowat te geef. Ik brenge ok nog boeken naor boekwinkels boven de Kuunder, in et Friese Frieslaand. Dat wodt ankem weke. Wie et boek hier in de omgeving an huus bezorgd hebben of over de post toestuurd hebben wil, moet me dat mar even weten laoten. De eerste reakties bin ok al binnen. Een man daor aík et al an de deure brocht hadde belde me. Hiíj was aovens laete begonnen te lezen en morgens om half vufe hadde hiíj et boek uut had. Hiíj zee dat hiíj et ien van mien beste boeken vint. Vandemorgen belde kammeraod Haarm. Die hadde et boek ok lezen en was al lieke enthousiast. Dat is mooi. Mar in wezen is et niet echt belangriek. Boris was vule belangrieker as dit niíje boek.


Naor de veurige bladziede