11 september 15.00 Doe k in augustus op e Eupen Stal an t boeken verkopen was, zee een vrouw tegen me dak de laeste van de Mohikanen was. Daor hek gister een kollum over schreven.
  Ik bin vandaege weer begonnen mit et uut et heufd leren van een verhael. Daor bin k de laeste tied deur alle drokte even niet an toe kommen, mar ik moet dat dr wel in zien te stampen.
  Ik gao zo weer naor Berkoop veur de dadde en mien twiede sutelaovend. As et mar dreuge blift, dat is et alderbelangriekste. As t regent kuj niks beginnen.
  Ik hebbe et prachtige boek Bij de bramen langs now hielemaole lezen en al die mooie fotos hek bekeken. Ik kreeg et boek toestuurd naor anleiding van mien kollum Brummelsin de Liwwadder Kraante.


Naor de volgende bladziede - Naor de veurige bladziede