2 jannewaori Ė 17.00 Ė In ien van de amarillen, die ík gister uut et donker haeld hebbe, zit al een knoppe. Dat is ieder jaor trouwens zo. De witte amarille kan et niíje jaor nooit ofwaachten en begint in et oolde jaor in donker al een knoppe te kriegen. Dat is mooi. Et iene meens ik ok vlogger as et aandere. Dat is mit amarillen vanzels krek zo.
  Vandemorgen heík de kastboom oftuugd. Vot mit die stao in de weg. Et verschrikkelikst is die snoere mit laampies. Dat is altied weer iene vreselike tiezeboel. Ik hebbe de zwik zo in een plestieken poede stopt en gao me an et aende van et jaor weer argeren dat de troep zo in ít wilde zit. En dan valen dír soms malle woorden en kikt poes Boris verschrikt op. Zo gaot et hier. Mar misschien overleeft de kastboom et jaor wel niet. De laeste weken docht ik iederkeer: wat is die boom toch lillik en hol. Doe ík de boel oftuugde ontdekte ík dat dír wel een stok of zes toeken ofvalen weren. Die laggen dír onder of op aandere toeken. En dan wodt zoeín boom hol. Ik bin gewoon te onhaandig veur dit soort wark. Ik kan et niet. Dat ik daenke daík die rotboom en de hiele santemekliek an slingers en ballen in de grieze kontener mietere! Ik bin dír wel klaor mit!
  Vandemiddag heík Deli op vesite had. Mien ienige omkezegger. Ik vien et geweldig dat zoeín mooie, jonge vrouw hielemaole vanuut Arnhem biíj een oolder woddende omke in de Stellingwarven kikt. Ik kreeg een mooi boeket mit tulpen, dat et is hier now al een betien veurjaor in huus. We hebben gezellig praot en koffie- en theedronken mit wat lekkers dír biíj uut Berkoop!
  Hieronder een foto van vandemorgen uut Berkoop. De karke staot ok in 2017 weer te pronke midden in et mooiste Stellingwarver dŲrp.


1 jannewaori Ė 17.00 Ė Gelokkig kwam poes Boris gisteraovend, doe et even rustig was mit de knalderiíje, nog biíj me veurdaík vot zol. Dat ik hebbe him biíj miíj in huus blieven laoten. Dat was een rustgevend gevuulte. Hiíj is hier de hiele naacht bleven, want doe ík vannaacht thuuskwam duste hiíj nog niet butendeure.
  Et was gisteraovend hiel genoeglik biíj Haarm en Jacob. We hebben naor de ooldejaorskonference van Claudia de Breij keken. Hiel arg mooi en goed! In verbaand mit de oorontsteking leek et me niet goed toe en gao daor nao middernaacht de straote mit op om de buren et niíjjaor of te winnen. Ik bin lekker in de waarmte bleven. We hebben vervolgens nog ofwaacht totdat et in Londen ok niíjjaor was en keken naor et vuurwark biíj de Theems. Ik was om kwat veur twieje weer thuus.
  Vandaege bin ík drekt weer an et wark gaon. Ik bin begonnen mit et rippeteren van verhaelen veur et optreden van de kommende donderdagmiddag in Noord-Slien. Ik hebbe trouwens mar hiel weinig optredens in jannewaori en feberwaori. In meert wodt et wat dat anbelangt weer hiel drok. Tied dus om aander wark te doen. Ik hebbe ok veur de JVS an et wark west. De deur oons uutvoerde aktiviteiten bin deur de webmaster op de webstee van de JVS zet. Dat moet van de belastingdienst. Iederiene moet zien kunnen wawwe doen en daon hebben. Aanders kuwwe oonze anbi-toekenning verliezen en dat moet vanzels niet.
  Zoas elk jaor heík al mien amarillen uut et duuster haeld, ik hebbe ze niíje potgrond geven en waeter. En now wodt et weer ofwaachten en iederkeer even kieken as dír al knoppen kommen. Ik hebbe now dattien amarillen. Twaelf heík uut et duuster haeld en iene heík lessend kregen op mien fanmiddag, die staot al prachtig rood/wit bluuiende veur et raem.

Naor de volgende bladziede - Naor de laeste bladziede 2016