31 december Ė 16.00 Ė Et geknal is gister weer begonnen. Ik hope dat zoks es een keer verbeuden wodt. Siervuurwark vien ik wel mooi, vandaor de foto hieronder. Mar die knalderiíje is me een ellende. Op íe radio heurde ík iene vertellen dat hiíj veur 1400 euro van die rotzooi kocht hadde. Mit mekeer in Nederlaand veur 68 miljoen... Dat geld kují beter besteden, liekt me zo. Al die ongelokken en al die dieren die bange binnen. Poes Boris is slim benauwd veur dat ellendige gedoe. Hiíj duste gister van veur de middag tot zeuven ure vandemorgen niet butendeure. Van zeuven tot tegen negen ure het hiíj dír even uut west en now dust hiíj de hiele dag al weer niet buten. Ik laot him vanaovend mooi in huus aík votgao. Zoas alle jaoren zit ik et oolde jaor uut biíj Haarm en Jacob in Et Vene. Ik neme wat lekkers van de bakker mit. Dan winnen we de buurt daor nao twaelf ure et niíjjaor of en waachten tot et in Engelaand ok niíjjaor is. We kieken dan altied naor et vuurwark biíj de Theems. En dan gao ík weer naor huus, naor poes Boris, die dan bliede wezen zal daík dír weer bin. Ik weens alle dagboeklezers/-lezeressen en heur naosten een goeie jaorwisseling en veul heil en zegen in et niíje jaor!


Naor de veurige bladziede